പാലക്കാട്: ട്രോളി വിവാദം കത്തി നിൽക്കുന്നതിനിടയിൽ ഫേസ്ബുക്ക് പോസ്റ്റുമായി നടൻ ഗിന്നസ് പക്രു. ട്രോളി ബാഗുമായി നിൽക്കുന്ന ഗിന്നസ് പക്രുവിന്‍റെ ചിത്രത്തോടൊപ്പം നൈസ് ഡേ എന്ന കാപ്ഷനോടെയാണ് പോസ്റ്റ്.
ഇതിന് താഴെ പാലക്കാട്ട് കോൺഗ്രസ് സ്ഥാനാർഥി രാഹുൽ മാങ്കൂട്ടത്തിൽ കൂടി കമന്‍റ് ചെയ്തതോടെ സംഗതി ആകെ കളറായി മാറി. കെപിഎം ഹോട്ടലിൽ അല്ലല്ലോ എന്നാണ് പോസ്റ്റിൽ രാഹുലിന്‍റെ കമന്‍റ്. ഇതോടെ സൈബറിടങ്ങൾ മൊത്തം പോസ്റ്റ് വൈറലായി.
അതേസമയം കള്ളപ്പണ വിവാദത്തിൽ പ്രതികരണവുമായി രാഹുൽ രംഗത്തെത്തി. പെട്ടിയിലുണ്ടായിരുന്നത് വസ്ത്രങ്ങളായിരുന്നുവെന്നുംഅതിനുള്ളിൽ പണമുണ്ടെന്ന് തെളിയിച്ചാൽ തെരഞ്ഞെടുപ്പ് പ്രചരണം ഇവിടെ നിർത്തുമെന്നും രാഹുൽ പറഞ്ഞു. കെ പി എം ഹോട്ടൽ അധികൃതരും പോലീസും ഹോട്ടലിന്‍റെ മുമ്പിലെ സിസിടിവി ദൃശ്യങ്ങൾ പുറത്തു വിടണമെന്നു രാഹുൽ ആവശ്യപ്പെട്ടു.
